Modi-an Maan Ki Baat programme hmang

Prime Minister Narendra Modi chuan thla tina radio programme a hman ṭhin, Maan Ki Baat chu nimin chawhma dar 11 khan a hmang leh. Hei hi Mann Ki Baat programme vawi 41-na niin, All India Radio (AIR) bakah Doordarshan-ah pekchhuah a ni a, Narendra Modi mobile app-ah pek a ni bawk.

PM Modi chuan science and technology field lama India thawhhlawk dante fakin, scientist-te chu leilung chhiatna thleng ṭhinte hriat lawka nih theihna tura artificial intelligence hman ṭangkai dan ngaihtuah turin a ngen. Mipuite chu an nitin khawsak phungah pawh himna lam ngaih pawimawh turin a ngen bawk.

Hmeichhiate hmasawnna te fakin, kawng hrang hrangah hmeichiate chu hruaitu an ni tawh a ni tiin PM chuan a sawi. Thingtlang lam biala hmeichiate pawh 'clean energy and green jobs' hmalaknaa theihtawp chhuah turin sawm. Tun hnaia tlangzarh thar, 'Gorbadhan' programme hmangin ranvulhte ek, a bikin bawng ekte chu energy siamchhuahna atana hman ṭangkai a ni dawn a ni, a ti.