Bihar-ah party-ten campaing ṭan

Hripui leng vangin lockdown puan chhun­zawm zel la ni mah se, Bihar-ah assembly inthlan neih tur atan chief minister Nitish Kumar-a party, Janata Dal United (JDU), Bharatiya Janata Party (BJP) leh Laloo Prasad Yadav-a party, Rashtirya Janata Dal te chuan nimin khan election campaign an ṭan. 

Union home minister Amit Shah chuan nimin khan BJP tan digital rally hmasa ber a nei dawn a, constituency 243-a party worker nuai khat chuangte tan thu a sawi. Eptu party RJD pawhin virtual rally an buatsaih bawk. 

Ni 75 chhung press conference neih tawh lo, chief minister Nitish Kumar pawhin party worker-te chu video conferencing a neihpui ṭan bawk a, district pasarih-a party president-te nen video conference an nei hmasa a ni.