Article 370 paih hnuah J&K-ah firfiak chetna thleng hnem
Nikum August 5-a Jammu and Kashmir special status Article 370 paih a nih hnu khan J&K-ah chuan firfiak pawikhawihna vawi 79 a thleng tih nimin khan Lok Sabha hnenah union minister of state for home G Kishan Reddy chuan hrilh.
MoS G Kishan Reddy chuan pawikhawihna hi thleng hnem mah se pawikhawihna lian tham engmah a awm lo thung tih a sawi. August 5, 2019 leh March 10, 2020 inkarah khan firfiak pawikhawihna ṭum 79 lai a thleng a, hetihlai hian firfiak 49 chu thah an ni thung.
Zawhna leh chhanna huna zawhna awmte a Reddy-a'n a chhannaah chuan February 2019-a Pulwama-a CRPF convoy beih a nih chungchang pawh chhui mek a la nih thu a sawi. Pulwama inbeihna thlengah khan security force 80 an thi a, heng zinga 40 hi CRPF an ni.