Bhaichung-a'n politics chawlhsan

Indian footballer lar ber zinga mi, Bhaichung Bhutia chuan politics khelh chhunzawm a tum tawh lo tih a sawi. Bhutia hian All India Trinamool Congress zawmin, inthlanah ṭum hnih a lo chuh tawh a ni.

Bhaichung Bhutia chuan politics chawlhsan a tum thu hi a twitter-ah tarlangin, All India Trinamool Congress party-a nihna a neih leh member a nihna aṭangin a ban thu a sawi a, eng political party nen mah inzawmna a neih tawh loh thu a sawi.

Bhutia hian kum 2011 khan professional football chawlhsanin, kum 2013 khan West Bengal-a Mamata Banerjee-i kaihhruai Trinamool Congress chu a zawm a ni. Kum 2014 khan Lok Sabha inthlanpuiah Darjeeling bialah a chuh a,mahse BJP candidate SS Ahluwalia a hneh zo lo a ni. Kum 2016 khan state assembly inthlanah a chuh leh a, mahse Siliguri bialah CPI (M) veteran Ashok Bhattacharya chu vote 14,072 in a hneh zo lo a ni.

Trinamool tan hian thawk chhunzawm zel mah se, tunhnaiah party duhdan pelin Gorkhaland state hran phutna a thlawp thu pawh a lo sawi chhuak tawh bawk.