WhatsApp hmangin LeT zawm turin sawm

Uttar Pradesh Police-te chuan Pakistan firfiak pawl, Lashkar-e-Toiba zawm tura sawmna chu WhatsApp group member-te hnenah thawnchhuah a ni tih an sawi a, he sawmna hi Rajasthan-a school naupang pakhat siam a ni, an ti.

Anti-Terrorist Squad officer chuan sawmna thawnchhuaktu hi Bhilwara district-a Class 9 zirlai mipa naupang a ni a, thu zawhfiah turin koh a ni dawn tih a sawi. Police-te chuan mi ṭhenkhatin Laskhar-e-Toiba WhatsApp group zawm tura sawmna an dawn thu an report hnuah thubuai pawh an ziaklut niin an sawi.

Lucknow cyber-crime cell nodal officer Abhay Mishra chuan invitation link an click hian engmah a lo awm lo niin an sawi. He group zawm tura sawmna thawnchhuaktu lakah hia IPC leh IT Act hnuaiah FIR ziahluh a ni a, UP Anti-Terrorist Squad pawh an hriattir nghal niin a sawi.