Johnson & Johnson-in tleirawlte tan Covid vaccine enchhinna kalpui dawn

India rama Emergency Use Authorisation (EUA) atan an single shot Covid-19 vaccine hman phalna an hmuh hnuah, Johnson & Johnson (J&J) chuan an vaccine siam hi ramchhunga tleirawlteah zirchianna neih a dil.

US pharmaceutical company chuan Central Drugs Standard Control Organisation (CDSCO) hnenah India rama tleirawl kum 12-17 inkar tan Covid-19 vaccine enchhinna kalpui tura rawtna hi nimin khan an thlen tih an sawi.

J&J’s Janssen COVID-19 vaccine hi India ramah August 7 khan EUA pek an ni. He thu hi health minister Mansukh Mandaviya chuan a twitter-a tarlangin, "India chuan vaccine huang kan zauh leh ta! Johnson and Johnson siam single-dose COVID-19 vaccine hi India ramah emergency-a hman atan phalna pek a ni leh ta a ni. India chuan EUA vaccine panga kan nei tawh a ni." a ti.

August 6 khan EUA ah dilna hi an thlen a, Drugs Controller General of India (DCGI) hnen aṭangin a ni la la hian pawmpuina pek a ni tiin senior official chuan a sawi.

J&J hian a hmain vaccine him zawng tehna, reactogenicity leh immunogenicity zirchiannna kum 18-60 inkar leh kum 60 chunglam, participant 600 hnenah clinical trial phase-3 neih phalna a lo dil tawh a, mahse an dilna hi July 29 khan an hnukdawk leh a ni.

EUA atana vaccine panga pawm tawhte chu - J&J's single-shot Janssen, Serum Institute siam Covishield, Bharat Biotech siam Covaxin, Russia siam Sputnik V leh Moderna te an ni.