Odisha CM-in smart health card a tlangzarh

Odisha chief minister Naveen Patnaik chuan a thlawna medical treatment pekna tur Biju Swasthya Kalyan Yojana hnuaia smart health card siam chu a tlangzarh.

He card neitute hian state chhung leh state pawna damdawi-in 200-ah a thlawnin healthcare service an dawng thei dawn a ni.

Chief Minister chuan he hmalakna hi state chhunga chhungkaw nuai 96-a mi vaibelchhe 3.5 velin an chhawr thei dawn tih a sawi. Chhungkua hian a thlawna damdawi lama enkawlna hi kum khatah cheng nuai 5 chin an dawng thei dawn a, hetihlai hian chhungkaw member zingah hmeichhiate erawh chuan cheng nuai 10 chin an dawng thei thung ang.

Naveen Patnaik chuan hriselna chu mitin tana thil pawimawh tak a nih thu leh, hemi atan hian sum leh pai thlengin a nghawng tih a sawi. Mahse sorkarin inenkawlna sum a tumsak dawn tak avangin, damdawi lama an sum sen ṭhinte chu an fate zirna atan leh chhungkaw tana pawimawh thil dangah an hmang thei tawh dawn a ni, a ti. Smart card hian sum lama harsatna an tawhna pakhat chu a chhawk zangkhai thei tawh dawn tih a sawi.