Delhi-Ayodhya inkarah bullet train tlan tir dawn

Sorkar laipui chuan Delhi leh Ayodhya inkarah rel chak chi, bullet train tlantir a tum.

National High Speed Rail Corporation (NHSRC) team chuan Ayodhya hi tlawhin, bullet train station siamna tur chungchangah district official-te pawh meeting an neihpui tawh a ni. Bullet train tlantirna tur hi km 670 chuanga thui niin, darkar khata km 320-350 inkara chakin a tlan thei dawn a ni.

Bullet train hi pahnih, Delhi-Ayodhya leh Delhi-Varanasi inkarah tlan tir tum a ni a, hemi project atan hian cheng vaibelchhe nuai 200 vel sen rin a ni.

Ayodhya-ah hian Maryada Purushottam Shri Ram International Airport project siam a ni bawk.