Afghanistan aṭanga lo lette polio vaccine pe

Union health minister Mansukh Mandaviya chuan polio hri darh tur laka invenna atan Afghanistan aṭanga lo lutte chu a thlawnin polio vaccine an pe tih nimin khan a puang.

"Wild Polio hri laka invenna atan, fimkhur thu hlaah Afghanistan aṭanga lo lette chu a thlawna Polio vaccine - OPV leh IPV pe turin thuthlukna kan siam ta a ni. Mipuite hrisel taka kan awm theih nana thawktu Health Team-te inpekna avangin lawmthu kan sawi e," tiin minister chuan Delhi International Airport-ah vaccine semchhuahna lai thlalak chu a pholang bawk.

Afghanistan leh Pakistan hi khawvela polio hri la darhna awmchhun ram an ni.

Taliban firfiakten Afghanistan-a thuneihna an chan leh tak avangin India chuan nimin khan military transport aircraft hmangin Kabul aṭangin mi 168 a phur haw leh a, an zing mi 107 chu India mi an ni. A hmain Kabul embassy-a thawkte leh India palai telin, mi 200 a lo hruai chhuak tawh bawk.