MP-te chanchin mipui hmuh theiha dah turin ngen

BJP thupuangtu Ashwini Kumar Upadhyay chuanVice President Venkaiah Naidu hnenah lehkha thawnin, Parliament member-te chanchina hriat tur pawimawhte chu mipuiten awlsam taka an hmuh mai theih turin public domain-a dah a, single window system hmanga en theih tura dah turin a phut. Hei hian MP-te chungchang leh an hnathawh dante hriat duh vanga RTI thehluh fo ngaihna ṭhin pawh a pumpelh thei dawn a ni.

Vice President hnena lehkha thawnah hian Parliament session-a MP-te kal zah te, bill thar siamna tur debate neia an hun hman dan te, bill siamṭhat tura rawt zat te, standing committee-a MP member a nih zat te, MP tin ten standing committee-a hun an hman zat te, rawtna an thehluh zahte leh MPLAD scheme hnuaia MP tinte sum sen zatte chu tarlang turin a ngen a ni. Heng information-te hi thuruk ni lo mah se, awlsam taka en mai theih ni loin RTI hmanga zawhchhuah a ngai ṭhin a, hei vang hian awlsam taka mipuite tan remchang siam turin a ngen a ni.