Rahul Gandhi-an committee hrang hrang din

Congress president Rahul Gandhi chuan March 16–18 chhunga party plenary session neih tur atan nimin khan committee hrang hrang a din.

Nimina committee dinte hi organising committee, drafting committee leh sub-group pali bakah consitution amendment committee-te an ni.

Prime minister hlui Manmohan Singh chu drafting committee chairman atan dah a ni a, Mukul Wasnik chu convener a ni. AICC treasurer Motial Vora chu organising committee chairman niin convener atan party general secretary Oscar Fernandes dah a ni. Constitution amendment committee chairman leh convener atan party hruaitu hlun Ghulam Nabi Azad leh Janardan Dwivedi-te dah an ni a, member-ah senior leader 10 an awm a, an zingah hian Ahmed Patel, P Chidambaram, Mallikarjun Kharge leh Kapil Sibal-te pawh an tel. March thlaa plenary session neih tur hi Rahul Gandhi-an party president dinhmun a chelh hnua plenary session neih hmasak ber tur a ni a, he hunah hian Karnataka, Madhya Pradesh, Rajasthan leh Chhattisgarh-a assembly inthlan neih tur chungchanga hmalak dan turte pawh an ngaihtuah ang.