India leh Jordan-in inremna ziak

India leh Jordan chuan Ningani khan thawhdunna turin inremna 12 an ziak a, heng zingah hian defence lama thawhdunna tur pawh a tel.

Ningani khan India ram tlawha rawn zin, Jordan lal King Abdullah II Ibn Al Hussein leh Prime Minister Narendra Modi-te chuan meeting an nei a, Palestinian buaina chinfelna tur hmalakna an thlawp thu pawh an sawi leh a ni. Jordan lal chuan PM Modi-an thla hmasaa Palestinian a tlawh pawh lawmawm a tih thu a sawi bawk. Hruaitu pahnihte hian Africa puihna tura thawhpui theih dan remchang zawn pawh an remti bawk.