Vietnam leh India-in inremna pathum ziak

Ni thuma chama rawn zin, Vietnam President Tran Dai Quang leh Prime Minister Narendra Modi-te chu kar kalta Inrinni khan New Delhi-ah an inkawm a, ram pahnihte thawhdunna tur inremna pathum ziah nghal a ni.

Modi leh Quang hian ram venhimna leh insumdawn tawnna lama thawhdunna tur chi hrang hrang an sawidun a ni. Ram pahnihten memorandum of understanding (MoU) an ziah zingah hian nuclear energy leh agriculture lama thawhdunna tur pawh a tel a ni. Ram hruaitu pahnihte an inkawm hma hian External Affairs Minister Sushma Swaraj chuan Viatnam President hi a lo kawm hmasa tawh a ni.