Karti Chidambaram-a Supreme Court-ah kal

INX Media aṭanga thamna sum tam tak laa puha man vanga Enforcement Directorate (ED) leh Central Bureau of Investigation (CBI) in a chhui mek, Karti Chidambarama-a chu Supreme Court-ah a zualko.

Congress hruaitu hlui, P Chidambaram fapa Karti Chidambaram-a hian SC-a petition a thehluhah, agency-ten an chhuinaah hian a thawhpui ṭha hle tih a sawi a, mahse INX Media investment nena inkaihhnawihna nei miah lo chungchangte an zawt niin a sawi. Karti chuan ED leh CBI chuan nikum May thlaa CBI-in FIR a lo thehluh a an tarlan tel loh thilah hnuhluh an tum tlat niin a puh.

Karti-a pa P Chidambaram pawhin writ petition hi a thehlut ve bawk a, a fapa right to privacy leh a chhungte bula a awm theihna tur dikna chanvo a neihte humhalh sak turin a ngen.