MP, MLA-te thubuai tikhawtlai rei vangin SC-in agency sawisel

Supreme Court chuan MP leh MLA-te thubuai kum rei tak tak tihkhawtlai a nih ṭhin chungchangah Central Bureau of Investigation (CBI) leh Enforcement Directorate (ID) chunga a lawm loh thu a sawi.

Chief justice of India NV Ramana chuan MP leh MLA-te thubuai hi kum 10-15 te tihkhawtlai ṭhin niin, chargesheet pawh thehluh lohin a awm ṭhin tih a sawi. Hetianga tihkhawtlai an nih chhan hi sawifiah turin agency-te chu a ti bawk.

CJI chuan, "Thubuaite hi hetianga tikhawtlai mai mai tur a ni lo, chargesheet thehluh ang vhe u," tiin agency-te chungchanga inrawlh duh lo hle mah se, case tikhawtlai tam lutuk avangin ṭawngchhuah a ngai ta niin a sawi.

Enforcement Directorate chuan an property-te ringawt an khawihsak a, a bak engmah hma an la zui lo tiin SC chuan na takin a sawisel a, thubuaite rang taka ngaihtuah fel chu mipuite hnena rorelna dik pekna tura thil pawiawh a ni, a ti.