Hri kai thar 47.6% in pun belh

India ramah Thawhṭanni khan Covid-19 hri kai thar 37,593 an awm belh leh a, Pathiannia hri kai aiin 47.6% in an pung. Hemi ni hian hri vanga thi mi 648 awm bawkin, thi zat pawh a hma ni aiin 83% in an tam zawk.

Hun eng emaw chen hnuah hri kai enkawl dam aiin hri kai thar an pung leh a, mahse recovery rate chu 97.67% a la tling.

Kumin January 16 aṭanga Covid vaccine pek chhuah ṭan a nih hnuin, Thawhlehni zing thleng khan vaccine hi dose vaibelchhe 60 dawn pek chhuah ani tawh. Heth lai hian Covid vaccine dose la tawh zinga hri kai, breakthrough infection erawh an pung chho leh a ni. India rama breakthrough case-te chu Delta leh Alpha variant a ni a, variant thar dang erawh hmuh a awm lo tih official-te chuan an sawi. Kerala-ah breakthrough case hi a tam ber a ni.