PM-in milim suasam a dem

Prime Minister Narendra Modi chuan ramchhung hmun hrang hranga milim suasam a ni chu a dem thu sawiin, Home Minister Rajnath Singh pawh thil awmdan sawipuiin, a ṭul anga hma la turin a ti.

Ministry of Home Affairs (MHA) chuan hetiang thil thleng hi ṭha lo an tih thu sawiin, state sorkar chu a thlen tawh lohna tura theihtawp chhuah turin a ti. Mawi lo taka thiltihnaa inhnamhnawihte pawh thubuai siamsak ngei tura an duh thu a tarlang.

Tun hnaiah ramchhung hmun hrang hrangah milim suasam a thleng fo a, Nilaini zing khan Tripura-ah Vladimir Lenin lim chu mipuiten la thlain an suasam a, hemi hma hian Celonia College Square-ah communist icon lim hi tihchhiat a lo ni tawh bawk. Tamil Nadu-ah pawh Dravidian ideologue 'Periyar' EV Ramasamy-a lim chu Tirupattur-ah suasam a ni a, a khawihtute hi mi pahnih–BJP worker leh CPI activist nia sawi a ni. Nimin zing khan Klaighat-ah Jan Sangh dintu Dr Shyama Prasad Mukherjee lim pawh misualten khawihin rawng dumte an lo hnawih bawk.