Vijay Mallya-a superyacht hrensak

Bank-a leiba tam tak neia ram pawn lama tlanchhe mek, Vijay Mallya-a nawmchenna lawng, superyacht chu a hnathawkte hlawh a pek loh avangin Malta-ah maritime trade union-in an hrensak.

Mallya-a lawng hi ' Indian Empress' tih a ni a, nikum September thla khan Mallya hian Malta-ah hian a lo kalsan tawh a ni. He lawnga hnathawktute hlawh, dollar maktaduai khat chuang zet chu Mallya hian a hrensak a ni. Mallya hian a bank loan ba tam tak a rulh theih loh avangin a lakah thubuai pawh ziahluh ani tawh a, UK-ah tlanchhiain nikum khan London-ah man a ni a, mahse April 2 thleng atan bail-a chhuah tir a ni. March 16 hian London-a Westminster Magistrate Court-ah a chungthu hi ngaihtuah a ni leh ang. Sorkar laipui chuan UK hnenah hian India ramah a thubuaite hmachhawn tura thawn kir turin a ngen tawh a ni.