CBI-in Gitanjali Group Vice President an man

Central Bureau of Investigation (CBI) chuan Thawhlehni khan Punjab National Bank (PNB) cheng vaibelchhe 12,600 inbumna thleng chungchang kaihnawihah Gitanjali Group of Companie vice president Vipul Chitalia an man.

Kum 48 mi, Vipul Chitalia hian PNB-a inbumna lian tham thlengah hian a bultumtu zingah a tel niin CBI chuan a sawi. PNB buaina kaihhnawihah Chitalia hi an man 19-na a ni a, Special judge SR Tamboli chuan March 17 thleng CBI kuta awm tur hian a dah a ni. Chitalia hi Thawhlehni zing khan Bangkok aṭanga a rawn kir, Mumbai airport-ah immigration thuneitute chuan lo dangin CBI kutah hian an hlan a ni.