Kerala-a Mahatma Gandhi lim suasam

Ram chhung hmun ṭhenkhata mi lim khawih leh suasam thleng chu Prime Minister Narendra Modi-an a dem thu a sawi hnuah, Kerala-a Mahatma Gandhi lim chu khawih a ni leh.

Kerala-a Kannur district chhunga Traliparamaba-a Mahatma Gandhi lim chu nimin zinga khan misualten khawhin, a tarmit vuah an tihchhiat bakah, a pangpar ṭhi awrh pawh tihchhiat a ni a, milim hi lungin an tawng zui bawk. Police-te chuan pawikhawihtute hi an chhui nghal thu an sawi.

Hemi hma hian Tripura-a Left Front-te an chak loh hnuah, Agartala-a communist idol Vladimir Lenin-a lim chu bulldozer hmanga tihchhiat a ni a, hmun danga Lenin lim dah pawh suasam a ni bawk. Tamil Nadu-ah pawh Dravidian ideologue ‘Periyar’ EV Ramasamy-a lim tihchhiat a ni bawk a, pawikhawihtu BJP leh CPI worker-te chu man an ni tawh a ni.