India-in Nepal-ah in 50,000 sa dawn

Sorkar laipui chuan kum 2015-a lirnghing rapthlak tuartu, Nepal rama lirnghing tuarte tan chenna in 50,000 a sak sak dawn.

Ningani khan Nepal rama lirnghinna biala in sakna tur inremna hi Kathmandu-ah India sorkar leh United Nations Development Programme (UNDP) leh United Nations Office for Project Services (UNOPS)-ten an ziak an ni. Gorkha leh Nuwakot district-ah in hi sak a ni ang. UNDP hian Gorkha-ah in 26,912 a sa ang a, UNOPS hian Nuwakot-ah in 23,088 a sa thung ang. UN agency pahnih hnenah hian India chuan in sakna tur senso, dollar maktaduai 16.2 a pe dawn a, in sak hna hi kum thum chhunga zawh hman tum a ni.