West Bengal-ah milim suasam leh

Ramchhung hmun hrang hranga milim suasam a ni fo chu Prime Minister Narendra Modi-an a dem thu sawiin, hetiang thil hi thleng tawh lo tura a duh thu a sawi hnuah kar kalta Inrinni khan West Bengal-a kum zabi 19 hunlaia poet lar Michael Madhusudan Dutt-a lim dah chu suasam a ni leh.

Police-te chuan misualten Dutt-a lim hi a hmaiah rawng sen te an lo tat niin an sawi a, Ansanso municipality worker-te chuan he milim hi an tifai leh nghal a ni.

Dutt hi India mite zinga English-a poem ziaktu hmasa zinga mi a ni a, Kristianah a inpe a ni. Mi thiam tak niin Sanskirt, Tamil, Telugu, Hebrew, Latin leh Greek-te a thiam a, poem bakah drama lam pawh a ziak ṭhin bawk.

Kar katla Inrinni vek khan Uttar Pradesh-ah Dalit hruaitu BR Ambedkar-a lim pawh khawih a ni a, a lu tihchhiat a ni. Zirtawpni khan Madhya Pradesh-a Jabalpur-ah Netaji Subhas Chandra Bose-a lim chu a rawng sen lo hnawih a ni bawk. Hemi hma hian Tripura-ah Lenin-a lim pahnih suasam a ni tawh bawk. Kerala-a Mahatma Gandhi lim pawh khawih chhiat a ni bawk a ni.