National Green Tribunal-in Sai thih dan chhui dawn

National Green Tribunal (NGT) chuan May 27-a sai raipuar thih dan chhui chiangtu tur committee an din thu sawiin, he committee hian sai thih dan leh pawikhawihna thlen dan chungchang a chhui chiang ang.

 May 27 khan Kerala, Palakkad district-a Velliyar River-ah sai raipuar hi thia hmuh a ni a, a thih chhanah hian a thil ei lakhuihthei-a halpuah a ei tel vang nia sawi a ni. 

Sai hi postmortem a nih hnuah, nau a pai tih hriat chhuah a ni bawk. He sai thihna hian ram puma mipuite a barakhaih nghal hle a ni.

Justice K Rama­krish­nan leh Saibal Das­gupta awmna court chuan Ministry of Environment and Forests, Kerala sorkar leh sorkar laipui chu July 10 hmain he thil thleng chungchanga report thehlut turin a ngen

Tun dinhmuna thil thlen dan en mai hi chuan wildlife protection dan zawmloa thil tih a an thu NGT hian a tarlang.