I-Day lawmna poster-a Nehru thlalak telh loh chungchangah Congress hruaitu Chidambaram-a'n ICHR a dem

Congress senior leader P Chidambaram chuan India Independence Day vawi 75 lawmna puala digital poster hmasa ber siamah India ram prime minister hmasa ber, Jawaharlal Nehru thlalak telh loh a nih chungchangah Indian Council for Historical Research (ICHR) chu a dem thu sawiin, an insawithiam tumna chu thil zahthlak tak a ni, a ti.

Chidambaram chuan ICHR member secretary chu inhuatna leh rilru kawi tak puah puhin, motor car siam champha lawmaah Henry Fort thlalak leh, aviation din champha lawmnaah Wright Brothers thlalak a hmaih ve angem tiin a zawt hial. Henry Ford hi motor car hmuchhuaktu niin, Wright Brothers hi aircraft siam chhuaktu an ni.

ICHR-in India zalenna champha lawmna puala digital poster a siam, 'Azaadi ka Amrit Mahotsav' a siamah Nehru thlalak hi dah tel a ni lo a, hei vang hian eptu party hrang hragnte chuan BJP sorkar chu sawiselin, rilru zim tak pu leh tenawm taka cheah an puh a ni.