August 15 hnu lamah school hawn tum

Sorkar laipui chuan ram pumah zirna inte chu August 15 hnu lama  hawn turin ruahmanna a siam niin Human Resource Development (HRD) ministry lamin a tarlang. 

Hripui leng vangin school leh college-te hi March 16 aṭang khan khar an ni tawh a ni. 

HRD ministry chuan Union Home Ministry leh Health Ministry-ten kaihhruaina an siam behchhanin zirna in hawn hun tur hi a la rel dawn. Zirlaite himna chu a dah pawimawh ber a ni, tiin ministry chuan a sawi. 

Zirna in khar a nih avangin state hrang hrang chuan online class an kalpui reng a ni. 

HRD Minister Ra­mesh Pokhriyal Nishank chuan boruak awm dan azirin zirna in hawng chungchangah thutlukna chu siam a la ni dawn tih a sawi a, "July 1-15 inkar hian exam te buatsaih a ni ang a, hemi hnu hian school hawn dan tur chu ngaihtuah a ni ang," a ti.