June 10 aṭangin Ram temple sak hna ṭan dawn

Uttar Pradesh-a Ayodhya hmuna Ram temple sak hna chu naktuk aṭangin ṭan a ni dawn. 

Temple trust thupuangtu chuan naktuk hian temple sakna tur atana lungphum phum a ni dawn tih a sawi. 

Ram Janmabhoomi hmuna Kuber Tila shrine-ah Lord Shiva hnenah ṭawngṭaina hun hmangin bul ṭan a ni ang, a ti. Hemi hnu  hian temple sakna tur lungphum hi phum a ni dawn a ni. Zing dar 8 aṭangin inhlanna hun hi hman a ni dawn a, darkar hnih vel hun an hmang dawn niin Shri Ram Janmabhoomi Teertha Kshetra Trust thupuangtu Mahant Kamal Nayan Das chuan a sawi. 

March thla khan temple sakna tur hmunah hian Ram lalla lim chu dah a ni tawh a, May 11 khan a hmun laihna tur khawl dah luh a ni tawh bawk.