Delhi Dy CM lakah FIR thehlut

Delhi deputy chief minister Manish Sisodia leh Aam Aadmi Party (AAP) Rajya Sabha MP Sanjay Singh-te chu Covid-19 protocol bawhchhiahah puhin an lakah FIR thehluh a ni.

FIR hi Agra-a Lohamandi police station-ah thehluh a ni a, police-te chuan Sisodia leh Singh bakah mi dang hming tarlan loh 500 te chu IPC section 188, 269 leh 270 hnuaiah thubuai a siamsak.

AAP hruaitute hi Tiranga Yatra an buatsaihnaah mi 50 aia tam an punkhawm avangin Covid inkaihhruaina dan bawhchhiaah an puh. UP police-te chuan Yatra-ah hian mi 50 tel phalna an pe a, mahse mi za tel an pungkhawm niin an sawi.

Tiranga Yatra hi AAP in Uttar Pradesh assembly inthlan lo awm turah BJP an beih lehna tura an hmalakna pakhat niin, Agra leh district dangah te an kalpui a ni. Lucknow, Ayodhya leh Noida-ah pawh neih an tum bawk. Agra district thuneitute chuan a tirah phalna an pe duh lo a, mahse a hnuah an kalna tur kawng an thlak avangin phalna hi pein, mi 50 chin chauh tel a phalsak a ni.