Shiv Sena-in Goa-a President Rule puan phut

Goa Chief Minister Manohar Parrikar chu pancreatic cancer a vei vangin US-ah in enkawl turin a awm mek a, CM awm loh vang hian Shiv Sena party chuanan state-ah President Rule puan mai an phut.

Shiv Sena party thuchhuah chuan Parrikar a awm loh vang hian an state chu hotu nei loin a awm mek, thu pawimawh tak tak a bikin mining industry chungchang buaina neih mekahte thutlukna siamtu tur an awm lo a ni, a ti. Shiv Sena Goa President Vijai Sardesai chuan mi tam tak mining industry-a innghat an awm a, mahse CM ber a awm loh avangin mining industry in buaina a neih mekah thutlukna siam theih a ni lo a, hei vang hian sorkar laipui a rawn inrawlh a, ro a rawn rel theih nan President Rule puan mai hi a ngai niin a sawi. BJP sorkar thawhpuitu, Goa Forward Party pawhin an state chuan CM awm loh avangin emergeny dinhmun ang mai an tawk chho mek niin a lo sawi tawh bawk.