Naxal helten CRPF pakua an tihlum

Chattisgarh-a Sukma district-ah nimin khan Naxal helhon CRPF motor beiin sipai pakua an thi.

Official-te chuan he pawikhawihna thlen hun hi chhun dar 12:30 vel niin an sawi a, Sukma district-a Kistaram-Palodi kawngah CRPF 212th battalion-a sipaite hi operation ti tura an chhuak chu helho hian an lo bei a ni.

Naxal helte chuan bomb chilpuah laka him thei tura duan, CRPF motor tlanna kawngah hian improvised explosive devices (IEDs) eng emaw zat lo phumin an lo tipuak niin senior official chuan a sawi. Sipai pakua an thih bakah pahnihin hliam an tuar a ni. Hliam tuarte hi thlawhtheihna hmangin Raipur pan pui nghal an ni.