Sorkarin speed limit tihsan a remti

Sorkar laipui chuan ramchhunga khawpui hrang hrang leh highway-a motor tlan chak zawng tur bithliah tihsan rawtna chu Nilaini khan a pawm.

Sorkar chuan khawpui chhungah car-te chu darkar khata km 70 chin leh, motorcycle-te darkar khata km 60 china an tlan a phalsak a, state sorkar chuan an thuneihna hnuaiah motor tlan chak phal chin hi an tihniam thei thung ang.

Union Road Transport and Highways Minister Nitin Gadkari chua khawpui chhung chauh ni lo, highway leh expressway-a motor speed limit tihsan rawtna hi a pawm a ni. National highway-a tlan chak phal zawng, 80 kmph chu 100 kmph-ah tihsan a ni a, expressway-a dan hman mek 100 kmph tih chu 120 kmph-ah tihsam a ni bawk. He rawtna hi Law Ministry hnenah thawn a ni ve leh phawt ang, anni hian an lo ngaihtuah hnuah dan ang takin hriattirna tichhuakin hman ṭan a ni dawn a ni. He system thar hian 5% 'grace' a phalsak a, chu chu bithliah chin aia 5% a tlanchakte chu man loin warning pek phawt an ni ang. Hetihlai hian khawpui tam zawkah chuan kawng chep leh motor tam avangin 70 kmph a tlan hi a theih dawn loh a ni.