CBSE Class 12 accountancy paper a putru

Central Board of School Education (CBSE) hnuaia Class 12 exam neih mekah Accountancy paper a putru nia sawiin complaint thehluh a ni a, he thil hi chhui chiang turin Delhi Deputy Chief Minister Manish Sisodia chuan thupek a tichhuak nghal.

Sisodia chuan Class 12 CBSE Accountancy paper a putru nia sawiin complaint eng emaw zat an dawn thu a sawi a, Direcorate of Education-a officer-te chu chhui chiang a, CBSE hnena complaint thehlut tura a hriattir thu a sawi.

Hetih lai hian CBSE chuan question putru awm nia thuthang awm chu thu dik lo a nih thu leh, thu dik lo thehdarhtute zawnchhuah a, hrem ngei an nih tur thu a sawi. CBSE senior public officer Rama Shara chuan question paper putru a awm lo a, exam centre tinah question awmna hi seal thlapa dawn vek a ni, a ti.

Thawhlehni khan Delhi-a lawyer Tarun Narang chuan CBSE hnenah lehkha thawnin, Chemistry paper answer sheet awmna chu Dwarka Court Metor aṭanga Jankapuri-a kal laiin Delhi metro-a an keng a hmuh thu a sawi. Security tel loa Delhi Metro-a mi pakhat chauh kentir chu a him lo nia a ngaih thu a sawi bawk. Heng parcel-te hi CBSE hnenah centre-te hian insured speed post hmangin an thawn zawk tur nia a ngaih thu a sawi a, he lehkha kentirtu centre leh an superintendent chungah action la turin a phut a ni.