Bhima Koregaon case ngaihtuah hun sawn hla

Bhima Koregaon Judicial Inquiry Commission (JIC) chuan kum 2018-a Bhima Koregaon khuaa buaina thleng chungchanga thu zawhfiah hun chu March 30 aṭangin April 4-ah a sawn hla vek a ni.

Kum 2018-a Bhima-Koregaon case chungchanga Nationalist Congress Party (NCP) chief Sharad Pawar zawhna an zawh hun tur chu April 4-ah JIC chuan a sawn sak bawk. JIC-in a kohte chu Pune leh Mumbai-a Commission office-ah te chanchin kimchang ngaihven zui turin JIC chuan hriattirna a tichhuak bawk.

Judicial Inquiry Commi­ssion hi Calcutta High Court chief justice hlui JN Patel chuan a kaihruai a, kum 2018-a Maharastra-a Bhima Koregaon khuaa 'Bhima-Koregaon battle' vawi 200 lawmna champha hman laia  buaina chhuah chhan chhui chiang turin he commission hian hma a la a ni. 

Kha thil thlengah khan mi pakhat a thi a, mi ṭhahnem fe an inhliam bawk. Police te chuan buaina chhuak kaih­hnawihah hian mi 162 lakah thubuai an ziak lut.