India-in Pakistan leh China thuchhuah inṭawm sawisel

Pakistan leh China-in thuchhuah inṭawm an siama Jammu and Kashmir an tarlan chu India chuan a sawisel zui nghal. Ram dangte chu India-in a ramchhunga a thuneihna neihte zahsak a, ram chhung inrelbawlnaa inrawlh lo turin a ti. 

China foreign  ministry website-a ram pahnihte thuchhuah intawm tarlanah, Pakistan president Arif Ali leh Chian presidnet Xi Jinping-ten Thawhlehnia Beijing-ah meeting neihah J&K chung chang an sawidun thu sawi a ni. Pakistan President chuan J&K dinhmunte chu China President hi a sawipui a, President Xi pawhin he biala thil awmdan chu a kaihhruai sorkar chuan a thlithlai reng tihte a sawi a ni. 

India ministry of external affairs thupuangtu Raveesh Kumar Pakistan leh China thuchhuah inṭawm hi ṭha a tih loh thu sawiiin, J&K-a India sorkar hmalakna chu ram chhung thil a nih thu a sawi. Ramchhung thil a nih avangin ramdangte an inrawlh a remchan loh thu a sawi bawk.