NDA sorkar rin tawk lohna motion ngaihtuah leh dawn

Telugu Desam Party (TDP) in BJP kaihhruai National Democratic Alliance (NDA) aṭanga a inhnuhdawh thu a puan hnuah, Lok Sabha-ah sorkar rintawk lohna motion a put lut chu vawiin hian ngaihtuah chhunzawm a ni dawn.

TDP leh YSR Congress-ten no-confidence motion hi kar kalta Zirtawpni khan an pu lut a, mahse rorel thei loa memberte an aubuai avangin pawm ala ni lo a, vawiinah he motion hian thlawptu MP 50 a neih tlin leh tlin loh enfiah niin, motion hi ngaihtuah chhunzawm a ni ang. Sorkar rin tawk lohna motion hi eptu party dang Congress, Trinamool Congress, AAP leh Left party-te chuan an thlawp dawn tih an sawi a ni. Mahse Lok Sabha-ah hian BJP hian party mal pawhin majority a nei pha a, a dinhmun a derthawn phah dawn chuang lo a ni.