Thuneituten Nirav Modi-a ram laksak

Punjab National Bank (PNB) a sum tam tham tak tihchingpennaa mawhphurtua puh, lunghlua sumdawng lian Nirav Modi-a solar power plant leh ram acrea 134-a zau, Ahmednagar ami chu Pathianni khan Enforcement Directorate chuan a laksak.

PNB-a sum tihchingpen hailan a nih hma hian Nirav Modi leh sumdawnna lama a thawhpui, a pu ni bawk Mehul Choksi-te chuan India an chhuahsan hman a, an awmna chin tak hi hriatchian a ni lo. Hei vang hian thuneitute chuan Interpol hnenah Modi leh Choksi te awmna chin chhuina kawnga pui turin ngenna a lo thlen tawh a ni.

Invetigator-te chuan PNB-a sum tihchingpen kaihhnawihah hian mi 20 vel an man tawh a, an zingah hian Modi leh Choksi-te company-a senior executive bakah PNB-a official-te pawh an tel.