TMC-in Congress candidate thlawp dawn

West Bengal-a rorellai, Mamata Banerjee-i kaihhruai Trinamool Congress chuan an party-a inlet MLA 10-te chu Rajya Sabha inthlan lo awm turah Congress party candidate Abhishek Manu Shingvi thlawp turin a ti.

Heng MLA 10-te hi Congress party aṭanga TMC-a inlet an ni a, mahse Rajya Sabha inthlanah hian Congress party hi thlawp turin TMC hotute chuan an ti a ni.

West Bengal Chief Minister Banerjee-i chuan kar kalta Zirtawpni khan Congress candidate Singhvi an thlawp tur thu hi a puang tawh a ni. Hetih lai hian seat dang pali-ah chuan TMC hian candidate an siam thung.

Kum 2016 Assembly inthlanah khan Congress Party candidate 44 chu thlan tlin a ni a, mahse an zinga MLA 11 chu TMC-ah inletin pakhat a thi tawh bawk. TMC-a inlet MLA 11 zinga pakhat, Manas Bhunia chu Rajya Sabha MP-a dah anih dawn avangin MLA a nihna aṭang hian a lo bang tawh a ni.

West Bengal-ah hian March 23-ah Rajya Sabha seat panga-ah inthlan buatsaih a ni dawn a ni.