India-ah kutdawh nuai 4.1 an awm

Social Justice Minister Thawar Chand Ghelote chuan Thawhlehni-a Lok Sabha inkhawmah India ram pumah kutdawh nuai 4.13 an awm tih sawiin, heng zinga 80,000 chu West Bengal state-ah an awm a ni, a ti.

West Bengal dawtah hian Uttar Pradesh leh Bihar chu kutdawh tamna niin, UP-ah 65,00 leh Bihar-ah 29,000 an awm a ni. Rampumah kutdawh mi 4,13,670 zingah mipa nuai 2.21 leh hmeichhia nuai 1.9 chuang an awm a ni. West Bengal-ah hian kutdawh zingah mipa 33,086 leh hmeichhia 48,158 an awm. Hetih lai hian Lakshwadeep-ah chuan kutdawh an tlem ber a, mi pahnih chiah an awm a ni.