Vawiinah Rajya Sabha seat 58-ah inthlang dawn

Rajya Sabha seat 58-ah vawiin hian inthlan buatsaih a ni dawn.

Inthlan hi state 16-ah neih a ni dawn a ni. Rajya Sabha-ah hian seat 245 a awm a, majority nei tur chuan member 126 tal neih phak a ngai dawn a ni.

Central-a sorkarna chang mek, Narendra Modi kaihhruai BJP sorkar hian Upper House-ah member 58 a nei a, Congress party aiin member hi pali chauhin a ngah zawk a ni. Vawiina inthlanna neihna tur state 16 zinga 11 hi BJP sorkarna state a nih avangin BJP hi an chet ṭhat rin a ni.

Zing dar 9 aṭanga tlai dar 4 thleng vote thlak theih niin, tlai dar 5 aṭangin vote tla chhiar ṭan nghal a ni dawn a, zaninah result hi puan fel nghal a ni ang. Parliament Upper House, Rajya Sabha member hi state legislature member, MLA-ten an thlang dawn a ni.

Vawiina Rajya Sabha inthlan neihna tur state leh seat ruak awm zat te chu -
Uttar Pradesh: 10 seats
Maharashtra: 6 seats
Bihar: 6 seats
West Bengal: 5 seats
Madhya Pradesh: 5 seats
Gujarat: 4 seats
Karnataka: 4 seats
Andhra Pradesh: 3 seats
Telangana: 3 seats
Rajasthan: 3 seats
Odisha: 3 seats
Jharkhand: 2 seats
Seat 58-a inthlan turah hian state 10-a seat 33-ah candidate-te chu chuh tu awm loa tlinga puan a ni tawh a, state paruk-a seat 25-ah vote hi thlak a ni ang.