Rajasthan-ah Gandhi-a lim suasam leh

State hrang hranga hruaitu leh miropuite lim siam suasam a nih fo ṭhin chu Prime Minister Narendra Modi chu na takin a dem thu a sawi tawh a, Ministry of Home Affairs pawhin an dem thu an sawilang tawh bawk. Mahse heti chung hian pawikhawihna hi ala thleng chhunzawm reng a ni.

Nilaini khan Rajasthan-a Jaisalmer-ah India Hnam Pa, Mahatma Gandhi lim dah chu misualten an khawih leh a, he pawikhawihna kaihhnawihah hian mi pakhat man ani tawh. Hemi hma lawk hian West Bengal-a prime minister hmasa ber, Jawaharlal Nehru-a lim chu misualten pentui dumin an lo theh tawh bawk.

Assam-a Kokrajhar-ah Bharatiya Jana Sangh dintu Syama Prasad Mukherjee-a lim chu kar hmasa khan khawih chingpena ni a, West Bengal-a Purba Bardhaman district-ah kum zabi 19 hunlaia poet ropui tak, Micahel Madhusudan Dutt lim pawh a hmai tih hmelhem sak a ni.

PM Modi chuan mipuite hnenah milim suasam leh khawih chingpennaa inrawlh lo turin alo ngen tawh a, Union Home Ministry pawhin hetiang pawikhawihna hi a thlen tawh lohna tura hma la turin state sorkar tinte a lo hriattir tawh a ni.