Rajya Sabha MP zingah mi 51-in criminal case nei

National Election Watch (NEW) leh Association for Democratic Reforms (ADR) in joint report an tihchhuahah, Rajya Sabha member zinga 51 chu thubuai, criminal case nei lai an ni.

NEW leh ADR hian Rajya Sabha member nilai 233 zinga 229-te chanchin a zirchiang a, midang pathumte erawh chu an affidavit hmuh tur a awm loh avangin an zirchiang thei lo a, hei bakah hian Bihar-a RS seat pakhat chu nikum December thla aṭang khan hnawhkhah loin a la awm bawk.

Report tihchhuah hi MP-ten an affidavit thehluh behchhana siam niin, an zinga 51 (22%) chuan criminal case nei lai an nih thu an sawi a, heng zinga 20 (9%) chuan an thubuai neih lai chu thubuai rip tak, serious case niin an sawi.

Crimina case nei zingah BJP MP 14 an awm a, Congress MP pariat an awm bawk. All India Anna Dravida Munnetra Kazhagam (AIADMK) MP pali, Samajwadi Party (SP) member pathum leh All India Trinamool Congress (AITC) MP pakhat chuan criminal case an nei bawk. Serious criminal case nei zingah Congress member panga, BJP pali an awm bawk a ni.

Rajya Sabha MP zinga 201-te chu cheng vaibelchhe khat chuang nei tling an ni a, an zinga MP 84 chuan cheng vaibelchhe 10 chuang an nei a ni.