G7 ram belhkhawm aiin India-in vaccine semchhuak tam : Sorkar laipui

Sorkar laipui chuan August thla chhungin India chuan G7 ram zawng zawng belhkhawm aiin coronavirus vaccine a sem chhuak tam zawk tih a sawi.

Data tihchhuah tharah sorkar laipui chuan thla hmasa khan ramchhungah vaccine dose maktaduai 180 chuang a semchhuak a, hetihlai hian G7 ram te chuan dose maktaduai 101 chiah an pechhuak thung a ni.

"Hlawhtlinna dang kan chang leh ta! August thla chhunga vaccine dose maktaduai 180 chuang semchhuah hmangin India chuan khawvel huapah ram mipuite tana vaccine semchhuak ta kawngah hma a hruai zel a ni," tiin MyGovIndia Twitter-ah tarlan a ni.

G7 ram zingah Canada chuan semchhuak tlem berin dose maktaduai thum chiah an pechhuak a, United Kingdom-in maktaduai nga, Italy-in maktaduai riat leh Germany-in maktaduai kua an semchhuak a ni. Japan, United States leh France-te chauhin maktaduai 10 aia tam an semchhuak a, Japan sang berin maktaduai 40 chuang an semchhuak. US hian maktaduai 23 leh France-in maktaduai 13 ve ve an semchhuak thung.

Union ministry of health and family welfare (MoHW) in a tarlan danin, Janaury 16-a India rama Covid vaccine pekchhuah ṭan a nih aṭangin, mi maktaduai 160 in dose bikimin an la tawh a, dose khatna la hi maktaduai 523 an tling tawh bawk.