Jharkhand-ah BJP an tla; JMM-Cong-RJD ṭangrual an chak

Seat 81 awmna Jharkhand state assembly inthlanah Jhar­khand Mukti Morcha (JMM), Congress leh Rashtriya Janata Dal (RJD) ṭangrualte chu an chak.

Jharkhand state assembly inthlan result hi December 23, 2019 khan puan a ni a, JMM-Congress-RJD ṭangrual hian seat 47 an la a, BJP chuan seat 25 chiah an la thung. JMM bik hian seat 30 an la a, Congress chuan seat 16 la in RJD chuan seat pakhat an la ve bawk. JVM in seat thum an la a, AJSU-in seat pahnih la bawkin CPI-ML leh NCP pawhin seat pakhat ve ve an la a ni. Independent candidate pahnih thlan tlin anni bawk.

Jharkhand inthlan result:

AJSU Party    2

Bharatiya Janata Party    25

Communist Party of India 

(Marxist-Leninist) (Liberation)    1

Independent    2

Indian National Congress    16

Jharkhand Mukti Morcha    30

Jharkhand Vikas Morcha 

(Prajatantrik)    3

Nationalist Congress Party    1

Rashtriya Janata Dal    1