AIIMS-ah Lalu Prasad-a in enkawl phalsak

Ranchaw man tihchingpen thubuaia thiam loh chang, jail-a tang mek Bihar chief minister leh Rashtriya Janata Dal (RJD) hotu Lalu Prasad Yadav-a chu New Delhi-a All India Institute of Medical Sciences (AIIMS) a a inenkawl phalsak a ni.

Lalu Prasad-a natna hi sawilan a ni lo, Ranchi-a Rajendra Institute of Medical Sciences (RIMS)-ah enkawl mek a ni. Mahse medical board-in AIIMS-a enkawl tura rawtna a siam chu enfiah a nih hnuah, court chuan New Delhi lama in enkawl hi a phalsak ta a ni.

Kar kalta Inrinni khan Lalu Prasad hi a thubuai pali-naah thiam loh chantirin kum 14 tang tur leh cheng nuai 60 chawi tura hrem a ni. Hemi hma hian a thubuai pathumah thiam loh chantir a lo ni tawh bawk a, Ranchi-a Birsa Munja jail-ah kum 2017, December 23 aṭang khan tantir a ni.