Parliament in hnih inkhawm titawp

Nimina Parliament in hniha rorel inkhawm chu member-te aubuai avangin tihtawp a ni leh.

Rajya Sabha-ah chuan member tam zawkin RS member chawl tur 40-te thlahna hun hman an duh laiin, AIADMK leh TDP member-ten sorkar laka an thil phut hrang hrangte au pui a, rorel thei loa bengchheng an siam avanign inkhawm tihtawp a ni.

Minute 15 inkhawm tihtawp a nih hnua an ṭhutkhawm leh hnuah, House Chairman M Venkaiah Naidu chuan AIADMK member-te chu an ṭhuthmuna ṭhu a, member chawl turte thlah hun chu kalpui turin a ti a ni. Mahse AIADMK member-te hi an ṭhu duh lo a, an thil phut chungchanga House-a awm ve, Prime Minister Narendra Modi chu inrawlh tura phutin an aubuai chhunzawm a ni. Bengchheng an siam zui zel avangin Chairman chuan rorel inkhawm hi a titawp leh ta a ni.

Lok Sabha-ah pawh rorel inkhawm ṭan a nih aṭangin eptu member-te chu Speaker podium bulah kalkhawmin, an thil phut hrang hrangte aupuiin thuziakte an keng lang bawk. Member-te aubuai avang hian Speaker chuan rorel inkhawm hi a titawp a ni.