Mahatma Gandhi thih dan chhui tha tura ngenna SC-in hnawl

Supreme Court chuan Mahatma Gandhi thah a nih dan chhui ṭha tura ngenna siam chu a hnawlsak.

Mumbai mi Pankaj Phadnis chuan Gandhi thah a nih dan chhui ṭha tura ngenin petition hi a thehlut a, hei hi Justice SA Bobde leh L Nageswara Rao awmna bench chuan ngaihtuahin an hnawlsak a ni.

Petition thehluttu hian court hrang hrangin Gandhi-a thahtua puh, kum 1949, November 15-a khaihlum, Nathuram Godse leh Narayan Apte-te thiam loh chantir an nihna chhan, silai mu pathuma kahhlum nia sawi chu ngaihtuah ṭhat a ngai niin a sawi. Phadnis chuan Godse ni lo midangin Gandhi hi an kap tel em tih hre turin silai mu pali-na lut a awm leh awm loh enfiah a ngai a ni, a ti. Tualthattua puhte hi court sang berin thutlukna mumal tak a siam hmanga tihhlum an ni, a ti.

Gandhi hi kum 1948, January 30 khan New Delhi-ah Hindu nationalism right-wing advocate Godse-an a kaphlum a ni. Tualthahna thubuai chhuina kal zelah Godse bakah Apte-te hi thiam loh chantir niin khaihlum an ni.