Karantaka Poll Date leak chungchang chhuitu tur ruat

Election Commission of India (ECI) chuan Thawhlehni khan Karnataka assembly inthlan neih hun tur a puan hmaa BJP IT Cell hotu Amit Malviya-an a twitter-a Karnataka inthlan ni tur leh vote chhiar ni tur hi a lo tarlan hmasak chungchang chu a chhui chiang dawn.

Amit Malviya hian inthlan neih ni tur tur May 12 leh vote chhiar hun tur May 18 tiin a twitter-ah a tarlang a, vote chhiar hun tur erawh a ti dik lo a ni. ECI-in official-a a puanchhuah hmaa Malviya-an a lo tarlang hian sawizui a hlawh hle a, Election Commission lam demna pawh a awm a ni. Election Commission chuan he thil thleng chhui chiang tur hian Deputy Election Commissioner Umesh Sinha kaihhruai committee a din a, anni hian Intelligence Bureau lam pawh bepawpin, election neih leh vote chhiar hun tur hretu, EC official-te call record pawh enfiah vek an tum a ni. CEC O P Rawat chuan Home Ministry-ah information dilin ngenna pawh a thawn dawn a ni. Rawat chuan hetianga thu pawimawh lo putru awm chu an ngai thutak hle tih sawiin, chhui chianna thil ti dik lote chu na taka hrem an ngai a ni tiin a lo sawi tawh a ni.

BJP hotu Malviya chuan a twitter-a a thu ziah hian sawizui a hlawh hnuah a delete leh nghal a, a thu chhuah chu news channel lam aṭanga a hriat niin a sawi.