BJP MP in Preamble aṭangin 'Socialist' paih duh

Rajya Sabha-a Bharatiya Janata Party Member of Parlia­ment, Rakesh Sinha chuan private member resolution pulutin sorkar chu Constitution aṭanga 'Socialism' tih thumal paih turin a ngen.

He resolution hi Zirtawpnia ngaihtuah tur zinga telh a ni a, Sinha chuan resolution-ah hian emergency puan hunlai khan eptu MP-te chu tantir niin inrawn khawmna pawh awm loin  42nd amendment chu neih a nih thu a ziak. Socialism tih thumal hi hetih hunlai, 1976-a 42nd constitutional amendment act aṭang khan telh a ni tih a sawi. Socialism leh secularism hi November 26, 1949-a preamble dah tirah khan a tel lo a, a hnua telh thar leh an ni.