Sorkar laipuiin NDA-a hmeichhia luh phal ta

Sorkar laipui chuan nimin khan Supreme Court hnenah National Defence Academy (NDA)-a hmeichhia luh a phalsak ta tih a hrilh. He thil hi India ram tana thil chhinchhiah tlak a ni.

Additional solicitor general Aishwarya Bhati chuan sorkar laipui aiawhin justice Sanjay Kishan Kaul kaihhruai bench hnenah hemi chungchang hi hrilhin, thuneitute chuan NDA-a hmeichhiate an luh a phalsak a, Aremd Forces pathum hotute pawhin an remti tih a sawi.

Bhati chuan he thutlukna hi Thawhlehni zan rei tak hnuah siam a ni tih sawiin, hei hi India ram tana hriatreng tlak, insiamṭhatna ropui tak a ni tih a sawi. Bench pawhin Armed Force-te ngeiin NDA-a hmeichhiate luhna tur thutlukna an siam chu lawmawm a tih thu a sawi ve bawk.

Court chuan hemi chungchangah hian sorkar chuan eng angin nge hma lak zel a tum tih a zawt nghal. Hei hi chhangin, sorkar aiawh chuan affidavit a thehluh tur thu a sawi a ni.