Rajya Sabha Candidate 37-te tling nghal

Rajya Sabha seat 55-a inthlan neih tura seat 37-a candidate-te chu chuhtu dang awm loin an tling nghal. 

Chuhtu dang awm loa tling nghal zingah hian National Congress Party hotu Sharad Pawar, union minister Ramdas Athawale leh Rajya Sabha deputy chairman Harivansh Narayan Singh te pawh an tel. March 26 hian state 17-a Rajya Sabha seat 55-ah inthlan hi neih tura tih a ni. Mahse seat 37-ah candidate chu an tlin nghal avangin, state pangaa seat 18-ah chauh vote hi thlak a ni ang. 

Inthlan neih ngaihna chu Gujarat leh Andhra Pradesh-ah seat pali ve ve, Rajasthan leh Madhya Pradesh-ah seat pathum ve ve, Jharkhand-a seat pahnih, leh Manipur leh Meghalaya-ah seat pakhat ve ve te an ni.