UP CM-in elevated road thui ber a hawng

Uttar Pradesh Chief Minister Yogi Adityanath-a chuan nimin khan ram chhunga kawngpui chhawng siam, elevated road thui ber chu Ghazia-bad-ah a hawng.

UP-a elevated road siam hi UP Gate leh Rajnagar Extension inkarah siam niin, six lane a ni a, km 10-a thui niin pillar 227 chungah siam a ni. He kawng siam hna hi Samajwadi Party (SP) sorkar lai, kum 2014 November thlaa thawh ṭan a ni a, km thun leh thla li-ah zawh a ni. He kawngah hian two leh four wheeler chauh an tlan phal a ni ang.

Kawng siamna atan hian cheng vaibelchhe 11,000 sen a ni a, Delhi leh Ghaziabad inkar kal turte tan a tihawlsam phah bakah, National Highway 24 aṭanga NH 58 pan turte tan a awlsam phah dawn bawk a, he kawngah hian darkar tinin motor 4,000 vel an tlan thei tura ngaih a ni bawk.